دورنالار سیزی گؤرمه‌ییب / سید حیدر بیات
تیمچه‌لر: زنگان بازاریندا بیر منطقه‌نین آدی‌دیر
دورنالار سیزی گؤرمه‌ییب
سید حیدر بیات
[سعید]
ائله داریخمیشام کی
تیمچه‌لره یئمیش آلماغا گئدک
قاییدان‌دا
قزیته‌ده آلاق
« سعید! یاواش یئری
بو کوچه‌ده آزجا یوبان
منیم …
” قِفا نَبکِ مِنْ ذِکری حَبیبٍ و مَنزلِ”»(1)
قاییدان باش
عطیه بالیق پشیریب
و سعیدلی زنگان
[بهروز]
رامیزین تارینا داریخمیشام
بو دؤنه کاسئتی یاخشی یاز
و کوراوغلو اوپراسینی…
سونرالار بیله‌جه‌یم سن میللتچی‌سن
و اوره‌یین نئجه ده یئیین چیرپینیر بو کیملی‌یه
تبریز
آزادلیق گومولگه‌سی
فرزانه باسدیریلیر
بهروز دانیشیر
تهران
ستارخان
بو ایل‌لرده مزارلار اوسته گؤروشدوک
سونرا
دوستاقلاردا
دوستاقدان مزارلیغا قدر
بیر یولوموش
بو قارغینمیش اؤلکه
[جلیل]
هانسی دویغو
سوموکلرینی دمیره دؤندردی؟
سینماز
«ائلی‌مین یئکه دردی
قالانیب یوکه دردی»
[لیلا]
سنه قارداش اولانمادیم
تکی
داش اولایدیم
چیلغین اوشاقلارین ساپاندیندا
دورنالار زنگان اوستونده‌ن کئچیر
تبریزیمه دوغرو
«”گؤیدن گئده‌ن گؤی دورنالار!”
لیلانی گؤردوز مو؟»
دورنالار سنی گؤرمه‌ییب
سن
شهر گئجه‌لری‌نین شیرین رؤیاسی
بیر الینده آی
بیریسینده اولدوز
قاییدیر قادینلیغا
تومروس
[علیرضا]
قارداشین آردینجا
قازاماتا کیمی
قاندالا کیمی
قیزیلباشین
قارداشلیق
قانی
قارداش
قارداشین جانی
[شاعیر]
قارداش اولمادیم
تکی
داش اولایدیم
چیلغین اوشاقلارین ساپاندیندا
—–
1. یولداشلار دایانین یاری و اونون یوردونو خاطیرلاییب آغلایاق. عربین جاهلیت دؤنمینه عایید بؤیوک شاعیری امری القیس-ین معروف قصیده‌سی‌نین مطلعی.
بیر سیرا آچیقلامالار:
یئمیش: میوه
تیمچه‌لر: زنگان بازاریندا بیر منطقه‌نین آدی‌دیر
گومولگه: مزارلیق
قارغینمیش: نفرین اولموش
تکی: کاش
قازامات: زیندان
چیلغین: دلی قانلی
یک پاسخ به “دورنالار سیزی گؤرمه‌ییب / سید حیدر بیات”
متاسفم! ارسال دیدگاه بسته شده است.
دوست عزیز
جناب حیدر بیات
واقعن محشر بود
سیالیت فضاها تصویر ها با یک نخ نامرعی ما را به دیدن مغازه هایی که در یک بازار اجناس متفاوت می فروشند برد
تبریک تبریک تبریک